|
ԲԼՈԳ
Главная » 2011 » ՓԵՏՐՎԱՐ » 27 » Կամավորականություն. Հայաստանում կա՞, թե՞ չկա...
22:09:43 Կամավորականություն. Հայաստանում կա՞, թե՞ չկա... |
08-12-2010 Չնայած նոյեմբերի 5-ն էր կամավորության միջազգային օրը, սակայն Սյունիքի մարզային ԵՄԿԿ-ում դրա վերաբերյալ բանավեճ-քննարկումը տեղի ունեցավ դեկտեմբերի 7-ին:
Քննարկման թեման էր` «Կամավորության մշակույթը Հայաստանում»: Քննարկմանը, որը վարում էր առաջին կարգի մասնագետ Լիա Ավանեսյանը, մասնակցում էին Սյունիքի մարզային ԵՄԿԿ-ի կամավորները: Բանավեճի նպատակն էր զարգացնել երիտասարդների բանավիճային ունակությունները: Երիտասարդներին ընդհանուր տեղեկություններ տրվեց կամավորության մասին, այնուհետեւ քննարկվեցին կամավորության զարգացման միտումները Հայաստանում: Ներկաները հանգեցին այն եզրակացությանը, որ կամավորներն իրոք «պետք են» մեր պետությանը, քանի որ նրանք անշահախնդիր օգնում ու աջակցում են կարիքավորներին եւ կատարում տարբեր հանրօգուտ աշխատանքներ: Իսկ մեր օրերում, երբ բոլորը «շահի հետեւից են վազում», կամավոր լինելն իսկապես հարգի է: Քննարկվեց այն հարցը, թե ինչպես կարելի է կառավարել կամավորներին, քանի որ շատերն ունեն կամավոր լինելու պոտենցիալ, շատերն էլ հենց կամավորությամբ են զբաղվում` հաճախ չիմանալով դրա մասին: Իրականում պատճառն իրազեկության պակասն է: Կամավորությունը չի հրապարակայնացվում Հայաստանում: Ինչեւէ, կամավորության «դրդապատճառները» Հայաստանում բարեգործական են, բայց` նաեւ գործնական: Մեր երկրում կամավորության տարածումը խթանելու համար պետք է կամավորներին աշխատանք գտնելու առավել լայն հնարավորություններ տրամադրել: «Լավագույն մեխանիզմներից մեկը կլիներ կամավորական փորձը գումարել աշխատանքային փորձին»,- կարծում են բանախոսները: Բոլոր կամավորները հայտնեցին, որ կամավորության ամենամեծ խթանը մյուսներին օգնելու ցանկությունն է: Նրանցից շատերը բազմաթիվ գաղափարներ առաջարկեցին` ապագայում իրականացնելու նպատակով:
Սյունիքի մարզային ԵՄԿԿ
|
Просмотров: 731 |
Добавил: AEVA
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ]
|